Meeqqat siunissaat periusissiunneqalerpoq
Meeqqat inuusuttullu tamarmik toqqissisimasumik meeraanissaannut aqqummut illerngit pilersinneqarnissaat, periusissiami anguniarneqartoq, isumaginninnermut naalakkersuisoq Maliina Abelsen oqarpoq.
Periusissiaq Inatsisartut 2011-mi ukiakkut ataatsimiinneranni saqqummiunneqassaaq.
- Periusissiaq Namminersorlutik Oqartussat aammalu kommunit meeqqanut inuusuttunullu sullissinermi najoqqutassatut atussavaat. Taamaattumik periusissiap ineriartortinneqarnerani Namminersorlutik Oqartussat, KANUKOKA-p kommunillu akunnerminni suleqatigiissutigissavaat, aammattaaq meeqqat inuusuttullu atugarisaannut ilisimasallit soqutigisallillu peqataatinneqassapput, Maliina Abelsen oqarpoq.