Meeqqat sisserisarnerat mianersoqqussutigaat
Uummannami politiit meeqqat sisserisarnerat pillugu mianersoqqusipput. Nukappiaqqap arfineq-pingasunik ukiullip isikkaluarnerata kingorna tamanna pivoq.
Allattoq Louise M. Kleemann
Uummannami politiit meeqqat umiatsialivimmi sisserisut piffissami kingullermi naammattoortarpaat.
- Sisserineq navianartuuvoq, angajoqqaat inersimasullu allat meeqqat mianersorneroqqusariaqarpaat taamatut pinnguarneq navianartuummat, Uummannami politeeqarfimmi ulluinnarni aqutsioq Taitsiak Heilmann oqarpoq.
Sapaatit akunneri arlaqanngitsut qaangiummata Uummannap eqqaani ajunaartoqarpoq, angutimmi inuusuttut pingasut Ikerasammiit umiatsiartillutik periarfeerunneqarput.