Meeqqat quliugaangata ataaseq kaalluni innartarpoq

Nunatsinni meeqqat aqqanilinnit 17-it tungaannut ukiullit quliugaangata ataaseq kaalluni atuariartortarlunilu innartarpoq. Meeqqat 7 procentii taamaattartut meeqqat atuarfianni 1994-mit 2002-mut peqqissuseq pillugu nalunaarusiami erserpoq. Nalunaarusiaq februaarimi aatsaat tamanut saqqummiuneqassagunavippoq, inernerilli Radioavisimit paasisaqarfigaavut.

Meeqqat 2002-mi apersorneqartut 36 procentii, tassalu pingajorarterutaat sinnilaarlugit apeqqutinik akissuteqarsimapput. Meeqqat taamaalillutik namminneq naliliipput, nerisassanik naammattunik angerlarsimaffimminni nerisinneqarneq-ajorlutik.

Nunaqarfinni meeqqat kaannerusarput, imaanngikkaluartoq isumageqarnissamik amigaateqaramik, imaassinnaavorli qangatut piniartuunermit ullumikkut inooriaatsimut, soorlu ullaakkut nalunaaqutaq arfineq-pingasunit ualikkut pingasut tungaannut eqeersimaartuunissamut ikaarsaarniarneq ajornartorsiutigineqartarsimasoq. Inuit ilaat ullaakkut nerineq-ajorpulluunnit. Nuummi meeqqat to procentii kaallutik aamma innartarsimapput.

Nalunaarusiamissaaq allasserineqarpoq meeqqat ilai ullaakkut atuariartortigatik nerineq ajortut. Nunat 35-t ukiut pingasut allortarlugit misissuisarput.