Meeqqat quliinnarnik ukiullit ikiaroortarput

Nuummi hash-imik atuisarneq ajornannginneruvoq, meeqqallu ilaat quliinnarnik ukioqarlutik hash-imik atuisalereertartut, Nuummi politiineersoq Poul Hansen oqarpoq.

- Tusartakkagut ukuupput, tassa meeqqat ilaatigut qulinik ukiullit hashimik pujortartartut. Qulinik ukiullit ikiaroortartut akuttusoorujussuupput, kisianni ukiut qummut amerliartortillugit ikiaroornartumik atuisartut amerliartorput, Nuummi politiineersoq Poul Hansen oqarpoq nangillunilu: - Soorunami aamma angajoqqaat tupattaqaat, meerartik politiinit ingiaqatigineqarluni angerlaanneqaraangat aammalu meerartik hashimik ikiaroorsimasoq angajoqqaat paasigaangamikku tupattaqaat. Nuummili hash-imik pissarsisinnaaneq ajornannginneruvoq, illoqarfinnullu allanut sanilliullugu hashimik ikiaroortartut Nuummi amerlanerusutut isikkoqarput. Pinaveersaartitsineq eqqarsaatigalugu SSSPK atuarfimmilu klasserlæreri suleqatigiillutik paasisitsiniaaneq atuarfinni ingerlanneqartarpoq.

Taama oqarpoq Nuummi politiineersoq Poul Hansen.

SSSPK suleqatigalugu atuarfinni paasisitsiniaasarnerit Nuummi 5 klassininngaanniit aallartinneqartarput.