Assi: Alessandro Serrano / AFP / Ritzau Scanpix

Meeqqat qimaasut Italiami niunissaat akuerineqartoq

Meeqqat 27-t sapaatit akunneri marluk umiarsuarmeereerlutik Lampedusamut niunissaat akuerineqarpoq. Nunamulli namminermut ministeri qularisaqarpoq.

Italiap nunamut namminermut ministeria Matteo Salvini umiarsuup meeqqanik qimaasunik 27-nik ilaasullip tulannissaanut pinaakkaluarluni akuersivoq.

Umiarsuaq Italiap qeqertaata Lampedusap avataani ullut arlallit kisarsimavoq.

"Ukiukitsuunerarneqartut" umiarsuarmit spaniamit ikiuiniaqatigiiffimmit Proactiva Open Armsimit pigineqartumit niunissaat akueriniarlugu ministeriunermut Giuseppe Contimut allappoq.

- Naak politikkinnut akerliugaluartoq, ilanngullugu allappoq.

Inuit 107-it umiarsuarmiiginnassasut

Inersimasulli 105-it meeqqallu ilagineqartut marluk umiarsuarmit niussanngillat. Umiarsuarmi pissutsit ilungersunarluinnartut Open Armsimit oqaatigineqarpoq.

Italiap sinerissami alapernaarsuisuisa meeqqat sapaatit akunneri marluk umiarsuarmeereersut Lampedusamut niusikkiartoreeraat meeqqat ilagineqanngitsut niusut, Open Arms Twitterikkut allappoq.

AAMMA ATUARUK Suliniaqatigiiffik Læger Uden Grænser immamut akullersuarmukartitsipput

Salvini qimaasunut, Afrikap avannaaninngaanniit Italiamukarniarsarisunut sukangasutut tusaamanerlunneqarpoq. Ikiueqqaarniat umiarsuaasa Italia aqqusaarnissaat itigartittareerpai.

Italiap naalakkersuisuisa Salvinip partiianit talerperliusumit Legamit Movimento 5 Stellemiillu ilaasortaarfigineqartut  akornanni avissaartuuttoqarpoq.

Salvini qinersisoqaqqinnissaanik kissaateqartoq tamatumunnga pisooqataavoq. Qinersisitsisoqassappallu taassuma partiia ajugaasuussasoq inuit isumaannik paasiniaanerit takutippaat.

    /ritzau/AFP

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat