#IQ2018 Meeqqat Qaqortumi, Sisimiuni Nuummilu qinersinerup ulluani ingerlaaqatigiissinneqarput
Nakuusa, qinersinerup ulluani tamanna pillugu ingerlaaqatigiissitsivoq, Nakuusap kommunini Meeqqat Isummersorfii ullormi qinersivimmi illoqarfimminni pikialaartitsilluni, Qaqortumi, Sisimiuni Nuummilu pikialaartitsisoqarluni.
Qaqortumi meeqqat inuusuttullu inuusuttut ornittagaannit klubiminngaanniit Katersortarfiup tungaanut ingerlaaqatigiinnissamut ualeru nalunaaqutaq sisamaniit peqataasinnaapput. Kingorna taava GUX-imi katersuuttoqassaaq pikialaartitsisoqassalluni, erinarsoqatigiittoqarluni, kalattoortitsisoqarluni nipilersortoqassallunilu.
Qaqortumi Katersortarfiup silataani nalunaaqutaq tallimanut oqalugiartoqassaaq.
Nuummi NUIF-ip silataani nalunaaqutaq pingasunut katersuuttoqassaaq, Nuuk kaajallallugu ingerlaaqatigiittoqassaaq, Nuummi Illorsuaq Timersortarfiup tungaanut ingerlaaqatigiittoqariarluni, tassanilu oqalugiartoqassaalluni nipilersortoqassallunilu.
Arnavaraq Jørgensen, Nakuusameersoq, taama oqaluttuarpoq.
