MEEQQAT PUIGORNAGIT

Kalaallit Nunaat ingerlalluaqaaq… tamatsinnunngitsorli, taama oqaasinnaaqarluni nunatsinni meqqat illersorniarlugit, atsiornernik Ilulissani ullumi katersisoqarpoq.
Allattoq Elisa Isaksen
novembarip 13-at 2007 13:53

Ane Lone Bagger atsiornernik katerseqataasoq folketingimut qinersereerluni, sila qiianartukasiugaa katersortarfiup silataani ullumi ulapippoq:

”Kalaallit Nunatsinni meerartatta atugarisaat politikkerininngaaniit naammagiinnarsinnaannginnatsigik aamma angjoqqaatut oqariartuute-qartariaqaratta meeqqat atornerlugaasut aamma meeqqat sumiginnakkat isigiinnarnagit taperserniarlugit”, Ane Lone Bagger radioaviisimut oqarpoq.

Politikkerit kisimik isumalluutigineqassanersoq aperineqarami oqarpoq, _ Taakku kisimik soorunalimi isumalluutaassanngillat, taamaattumik politikkimut attuumassuteqanngitsumik suleqatigiiffimmik aallartitsivugut.

Inuiaqatigiit eqqarsaatigalugit nangilluni oqarpoq, imaassinnaasoq angajoqqaaqartoq nukissaaleqisunik, tamakkulu taperserniarlugit suliniuteqarusuppugut, Ane Lone Bagger, Radioaviisimut oqarpoq.

Aqagu pingasunngornermi Ilulissani ingerlaaqatigiinnermi atsiornerit politikkerinut tunniunneqassapput, Ilulissani kultuurikkut illorsuup Sermermiut silataani ualiakkut sisamat qeqqanut.