Meeqqat pualavallaartut atugaannut Nordea 100 mio. aningaasaliivoq

Aningaasat suliniutitut pilersaarummut innuttaasut peqqinnerulernissaannut suliniuteqartumut tunngasuupput, matumani meeqqat peqqissuunerat, ineriartornerat ilorrisimaarnerallu immikkut sammineqassallutik.

Atuarfinnut ilaqutariinnullu meeralinnut nerisassanik ineriartortitsineq suliniummi immikkut sammineqarniarpoq, matumani ‘nunat avannarliit nerisassiassaataat’ tunngaviginiarneqarlutik.

Universitetip taamaalilluni neriuutigaa, immami akullersuarmiut nerisassiaasut tusaamasatut peqqinnartutullu ilisimaneqartutulli, soorlu aalisakkanik, naatitanik, olivenimillu pingaarnerusortallit assigalugit nerisassat Ny Nordisk Mad-imik taaneqartut 2000-ikkunni soqutigineqarluarumaartut.

Suliniut OPUS-imik ateqartinneqartoq, ukiuni tallimani ingerlanneqassaaq, aatsaallu taama angitigisumik aaqqissuussisoqartoq oqaatigineqarpoq.

- Ilisimatusaatigalugu suliniummi meeqqat akornanni oqimaappallaalertarneq, ilikkagaqarsinnaanermut ajornartorsiutit ilorrisimaannginnerlu ikiorserniarneqarput. Soorluttaaq pualavallaarnerup kinguneranik nappaataalersartunik pinaveersaartitsinissamut pingaarutilinnik paasisaqarnissaq naatsorsuutigineqartoq, Universitetimit allaaserinnittoqarpoq.