Meeqqat poortugassarsisut aqagumut pissangasut
Inuk ataaseq, kinaassutsiminik isertuusserusuttoq, nammineq kajumissutsiminik katerseriarluni meeqqat angerlarsimaffianni Røde Kors Børnehjemimiittunut juullimi poortugassarsiassaannik ippassaq apuussivoq.
Meeqqallu tamanna tupaallannartillugulu nuannaraat.
Nuummioq, kinaassutsiminik isertuusserusuttoq, nammineq kajumissutsiminik katerseriarluni meeqqat Familiecenterimiittut, qimarnguimmiittut kiisalu Røde Korsip meeqqanut angerlarsimaffianiittut juullimi poortugassarsiassaannik ullumi pajuppai.
Røde Kors Børnehjemimi inunnik isumaginninnermik siunnersorti Ellen Ludvigsen taamatut iliortoqarnera qujamasuutigeqalugu unnersiorpoq:
- Juullilersoq eqqarsaatigalugu qujamasunnarpoq inoqarmat meeqqat eqqarsaatigalugit iliiorusuttut. Ingamillu meeqqat sumiginnakkat oqallisaaleruttorfianni qujarunnassaqaat inuit taamaattut.
Meeqqat inuusuttullu Røde Korsip Børnehjemiani najugaqartut 18-t tikillugit ukioqarput, poortukkallu Nuummiunut agguaanneqartut katillutik 80-t sinnerpaat.
