Meeqqat pisinnaatitaaffiisa atuutsinneqarniarneri MIO-p eqqasuutigai
- Meeqqat pisinnaatitaaffiinik malinninnginnerartoqaanera tusarlugu ernumanartorujussuuvoq. Taamaammat meeqqat atugaat eqqarsaatigalugit, nalunaarusiaq takunissaa assut qilanaarivara, nammineq nalilersinnaaniassagakku sutigut aamma qanoq meeqqat pisinnaatitaaffii malinneqannginnersut, Meeqqat Illersuisuat Aviâja Egede Lynge oqarpoq.
Suliassat amerlavallaartut
Nakkutilliinermik immikkoortortaqarfimmi pisortap Kommune Kujallermi isumaginnittoqarfimmi sulianik misissuereerluni kukkusumik sullissisoqartoq naliliisoq, apriilimi oqaluttuaraarput.
Aamma atuaruk Nakkutilliisut: Sullissinermi kukkunerit arlalissuupput
- Suliassat uninngaannalersimasut arlalissuupput, amerlangaatsiarput, nakkutilliinermik immikkoortortaqarfimmi pisortaq Johan Lund Olsen KNR-imut apriilimi oqarpoq.
Taassuma kingorna kommunimi pissutsit nutaarsiassatigut sammisaqattaarpagut.
Aamma atuaruk Innuttaasut inatsisitigut isumannaassusaat aarlerinartoq
Inatsisitigut illersugaaneq amigaataasoq
Isumaginninermut naalakkersuisoqarfiup allagaatai tallimanngormat sammivagut. Allagaatit naapertorlugit Kujalliup isumaginnittoqarfiata sulianik suliarinninnera inatsisinik ima tunngaveqanngitsigisimavoq, angajoqqaat inatsimmik nassarlutik meeqqamik angerlarsimaffiup avataanut inissinneqarsimasut maannakkoqqinnaaq angerlartinneqarnissaat piumasarisinnaallugu.
Tusagassiutitigulli sammineqartut Aviâja Egede Lyngep maannakkut oqaaseqarfigerusunngilai.
- Uani oqallinnermi maluginiagara, soorlu assersuutigalugu isumaginninnermik amigaatigineqartut kukkusimanerillu assigiinngitsut eqqartorneqartut. Kisianni oqareernittut una nalunaarusiaq takoriarutsigu sutigut meeqqanut sullissinermi eqqunngitsumik ingerlatsisoqartoq, taava oqaaseqarnerusinnaalissaagut.
Aamma atuaruk Kommune Kujallermi ajornartorsiutit suli aaqqiivigineqanngillat
Meeqqat akuutinneqassasut
Meeqqat kommunimi qanoq sullinneqarnersut misissoriartussallugit taassuma pilersaarutigaa.
- Uani pingaarnerpaavoq meeqqat tusarniaaviginissaat, meeqqat peqataatinnissaat taakkulu oqariartuutaat atorlugit, meeqqat sinnerlugit, uani oqallinnermi peqataanissaq.
Meeqqat Illersuisuat pilersaarutit malillugit septembarip ulluisa pingajuannit 18-iata tungaanut kujataani angalassaaq.
