Meeqqat pinnguariaatsinik nutaanik ilitsersuunneqarput
Kullorsuaq, sapaatip akunnerani kingullermit aallartittumik siullersaalluni atuarfimmi anitsiarnermi pinnguartitsisalerpoq.
Kullorsuarmi meeqqat atuartut tamarluinnagajammik, suliniaqatigiiffimmit Atuarfinni Timersornermit ulluni pingasuni sungiusartinneqartut, suliniaqatigiiffimmi siulittaasoq, Kim Godtfredsenip oqaluttuarpoq.
Ilinniartitsisut sungiusartinneqarneranni pinnguariaatsit assigiinngitsut ilitsersuutigineqarput aammalu illu timersortarfeeraq trampolinimit, tassa pississaarfiusinnaasumik tunisilluni.
Dansk Skoleidræt aamma Inerisaavik suleqatigiillutik pikkortissartitsineq ingerlappaat. Suliniaqatigiiffiup Atuarfinni Timersornerup kommunit suleqatigalugit anguniarpaat, atuarfinni tamani anitsiarfinni pinnguartitsisalernissaq.
