Meeqqat pillugit siunnersuisoqatigiinni ilaasortat toqqarneqartut

Meeqqat pillugit Siunnersuisoqatigiit assigiinngitsunik sulialinnik inuttaqarpoq. Ilaatigut meeqqat peroriartornerannut inerikkiartornerannullu, meeqqat atuarnerannut, meeqqat kulturikkut sunngiffimmilu sammisaannut, meeqqat peqqissusaannut, meeqqat inatsisitigut inissisimanerannut aamma meeqqanut immikkut pisariaqartitalinnut. Tamatuma saniatigut Meeqqat pillugit Siunnersuisoqatigiinni ilaasortat angutit arnallu amerlaqatigiipput.   
Naalakkersuisut nittartagaanni tamanna allaaserineqarpoq. 

AAMMA ATUARUK Meeqqat siunnersuisoqatigiivi pilersinneqarput

Meeqqat pillugit Siunnersuisoqatigiinni nutaami ilaasortaalersut tassaapput: ilinniartitsisoq Aka Grønvold, inuussutissarsiutigalugu aalisartoq Toku Oshima, tarnip pissusiinik ilisimasalik Arkalo Abelsen, isumaginninnermi siunnersorti Peter Brix Adsersen, peqqissaasoq Dina Berthelsen aamma eqqartuussissuserisoq Anders Meilvang.

AAMMA ATUARUK MIO-p meeqqat pisinnaatitaaffii aallakaatitassiarissagai