Meeqqat pillugit nalunaarusiaq inuinnarnut sunniuteqarniartunit naammagineqanngilaq

Naalagaaffiit Peqatigiit meeqqat pillugit ataatsimiititaliaanut Naalakkersuisut pisortatigoortumik nalunaarutaat Peqatigiiffiup Meeqqat Inuunerissut Peqatigiiffiullu Red Barnet-ip Nuummi immikkoortortaqarfiata naammaginngilaat. Nalunaarusiamut ilassummi naammasseqqammersumi peqatigiiffiit taakku marluk inerniliipput, Kalaallit Nunaanni meeqqat atugarisaat pisortatigoortumik nalunaarummi nipangiunneqartoq.
februaarip 23-at 2009 17:06

- Kalaallit Nunaanni meeqqat atugarisaat pillugit ukiuni kingullerni saqqummiunneqartarsimasut pisortatigoortumik nalunaarummi iluamik saqqummiunneqanngillat. Suliniutissanik aalajangiiniassagutta iluamik paasisaqarnissarput pisariaqarpoq, Meeqqat Inuunerissut-ni siulittaasoq, Line Frederiksen, oqarpoq.

Meeqqat pillugit isumaqatigiissutit naalagaaffeqatigiinnermi eqqortumik atorneqarnersut Danmarkimi naalakkersuisut meeqqat pillugit Naalagaaffiit Peqatigiit ataatsimiititaliaannut ukiut sisamakkaarlugit nalunaaruteqartarput. Nalunaarummi Kalaallit Nunaannut tunngassuteqartut Kalaallit Nunaanni oqartussaasunit suliarineqartarput. Peqatigiiffinnit Meeqqat Inuunerissunit aamma Red Barnet-ip Nuummi immikkoortortaanit oqaaseqaatit Meeqqat Inuusuttullu pillugit suliniaqatigiiffinnit, Nanubørnimit, Tasiortamit aamma Peqatigiiffik Kalaallit Meerartaannit taavalu Meeqqat Atuarfianni Ilinniartitsiut Kattuffiannit, IMAK-imit, tapersersorneqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq