Meeqqat pillugit isumaqatigiissut nunatta unioqqutippaa

Nunat tamalaat akornanni isumaqatigiissut Kalaallit Nunaannut aamma atuukkaluartoq meeqqat tamarmik pisinnaatitaaffitik piginngikkaat, FN-meersut paaasissutissat kingulliit, MIPI-mit, tassa meeqqat inuusuttullu pillugit ilisimasaqarfimmit saqqummiunneqarpoq.

Nunat tamalaat akornanni meeqqat pillugit isumaqatigiissummi immikkoortoq 27 naapertorlugu naammaginartumik inuuneqarnissamut meeqqat pisinnaatitaapput. Soorlu: Timikkut, tarnikkut anersaakkullu ineriartornissamut, aamma ileqqussatigut isumaginninnermullu tunngasutigut. Tamannali nunatsinni meeqqat tamarmik piginngilaat, sukumiisumillu misissuisoqarsimanani.

Nalunaarusiamik suliarinnittoq inatsisileritooq, atuakkiortoq inuillu pisinnaatitaaffiinik ilisimatooq Steen Wulff, isumaqarpoq Kalaallit Nunaanni meeqqat inuusuttullu atugaat misissorneqartariaqalersut.

Danmarki aqqutigalugu FN-ip piumasaqataa 1993-i aallarnerfigalugu Kalaalit Nunaata tiguaa. Kalaallit Nunaat 2003-mi meeqqat pisinnaatitaaffinik malinninngitsutut uparuarneqarpoq, ilaatigut meerarpassuit angerlarsimaffimminni annersaanermik, atornerluinermik aamma nerisassaqartitaasannginnermik misigitinneqartarnerat uparuaatigineqarluni.