Assi: KNR

Meeqqat pillugit Isumaqatigiissut nunatsinni suli eqquutsinneqanngilaq

Naalagaaffiit Peqatigiit Meeqqat pillugit Isumaqatigiissutaanni artikelit 20-t nunatsinni eqqortinneqanngillat. Meeqqat illersuisuata nunatsinni meeqqat pisinnaatitaaffii pillugit nalunaarusiaani, Naalagaaffiit Peqatigiit Meeqqanut ullorititaannut atatillugu saqqummersinneqartumi taama inerniliisoqarpoq.

Naalagaaffiit Peqatigiit Meeqqat pillugit Isumaqatigiissutaanni artikelit 20-t Kalaallit Nunaata eqquutsinngikkai ullumikkut killiffiusoq, MIO-p oqaatigaa, alloriaqqinnissamullu piffissanngorsoralugu, nunalu tamakkerlugu politikkikkut ataqatigiissumik pilersaarusiortoqartariaqartoq.

AAMMA ATUARUK Meeqqat pillugit isumaqatigiissummut misissueqqissaarneq saqqummiunniaraa

Nunatta Naalagaaffiit Peqatigiit Meeqqat pillugit Isumaqatigiissutaannut ilanngunneranit ukiut 25-nngornerini taama kajumissaaruteqarpoq. Meeqqallu illersuisuiata nalunaarusiaa Naalagaaffiit Peqatigiit Meeqqat Pisinnaattitaaffii pillugit Isumaqatigiissummik Kalaallit Nunaata unammilligassaqarneranut ataatsimut takutitsivoq.

- Maanna ukiut 25-t qaangiupput Kalaallit Nunaat Naalagaaffiit Peqatigiit Meeqqat pillugit Isumaqatigiissutaannut ilanngummat. Naalagaaffiit Peqatigiit isumaqatigiissutaat, Kalaallit Nunaata malissallugu pisussaaffigilernikuusaa. Ullumikkut Kalaallit Nunaanni ajornartorsiutinik nassuerutiginnittarneq annertusiartorpoq, Meeqqat Illersuisuat ilaatigut oqarpoq.

AAMMA ATUARUK Børn i Qaanaaq efterlyser hjælp på eget sprog

Meeqqap illersorneqarnissamut, ikiorneqarnissamut ilinniagaqarnissaanullu pisinnaatitaaffii Nunatsinni malinneqanngitsut, MIO-p nunatsinni meeqqat atugarisaat pillugit qulaajaatitsinerata takutikkaa, Aviâja Egede Lynge isumaqarpoq:

- Suliniutit pitsaasut ingerlagaluartut, innermik qamiterinerit suli amerlavallaarnerat, politikkikkut ingerlaviup allanngukulanera, oqartusssaasut akornanni suleqatigiinnermi amigartumik aaqqissuussineq kiisalu meeqqanik inersimasunillu ilaatitsinnginneq, Meeqqat Illersuisuat oqarpoq.

AAMMA ATUARUK Seksuelt misbrug er tabu og bliver ikke anmeldt

Artikelit 20-t Meeqqat illersuisuat naapertorlugu nunatsinni eqquutsinneqanngitsut ataani takuneqarsinnaapput:

2018_11_mio_nat_handlingsplan_press.pdf

 

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat