Meeqqat persuttarneqarnermik misillertinneqartarput

decembarip 21-at 2004 07:39

Nuummi qimarnguimmut arnat qimaasartut meeraasa 26 procentiisa ilisimavaat sooq qimarngusarnerlutik imaluunniit anaanartik angutaatiminit uiminilluunniit persuttarneqartartoq. Meeqqat qimaaqataasut 23 procentiisa tamanna misigisareerpaat, meeqqallu 8 procentii aamma persuttarneqartarput.

Ilaqutariit ukioq manna atugaat pillugit misissuinermi saqqummeqqammersumi kisitsisit tamakku takuneqarsinnaapput.

Kisitsisit Nuummersuinnaammata ilaqutariinnermut naalakkersuisoq Asii Chemnitz Narup maanna kajumissaarivoq sinerissami qimarngueqarfiit assinganik naatsorsuusiortaleqqullugit.

Kisitsisit iliuusissanut kiisalu ilaqutariinnermut politikkiliornissamut atorneqassasut Asii Chemnitz Narup oqarpoq.