Meeqqat persuttaasumik takunnipput
juunip 22-at 2006 17:02
Nuup ilaani Nuussuarmi meeqqeriviit ilaanni meeqqat arnamik persuttartittumik ualeq isiginnaarsimapput.
Arnap saassutsittup angutaataata arnaamminit qimanniarneqarnini akuererusunnagu, meeqqerivimmut suliffianut ornissimavaa, tassanilu persuttalersimallugu.
Meeqqerisut ajornartoortoqartillugu kalerrisaarut aallartittariaqarsimavaat, politiillu Nuussuarmi meeqqerivimmukartariaqarsimapput.
Persuttaasimasorli politiit takkummata qimaareersimavoq, sulilu nassaarineqanngilaq, angulli taanna kinaasoq politiit nalunngilaat.
- Arnaq saassutsikkami qinngamigut aalersimavoq, allakkulli annertunerusumik ajoquserani, Nuummi politeeqarfimmi pisortaagallartoq, Johan Davidsen, oqarpoq.
