Meeqqat perlilersut Nunavummi oqallisigineqalerput

Meeqqat marluk eqqaaviit tunuanni unnuaannarsuugaa sinnguttut. Tassa Nunavummi pisut pillugit Canadamiut assitigut takusinnaasaat.

Meeqqat perlilersut, imminortarnerillu amerlasuut, tassa Iqalunni pissutsit ulluinnarni takussaasut. Ajornartorsiutilli aaqqiiviginiarneqarnissaat pillugit oqallittoqarpoq.

Meeqqat marluk eqqaaviit tunuanni sinnguttut aviisimi the Globe and Mail-imi takussaapput. Meeqqat angajoqqaavi erngussimapput, meeqqaallu angerlarnissartik qunugilersimavaat, nakuuserniartarnerit erngunnerillu anigorniarlugit silami siniinnartariaqalersimallutik.

KNR-ip Canadamiit tusagassiisartua Marianne Stenbæk taama tusagassiivoq.

Inunnik ikiuisarnerup pitsanngorsaavigineqarnissaa, naggueqatigiit Inuit suliniaqatigiiffiata Inuit Tapiriit Kanatamip kissaatigiuarsimavaa.

Pitsaanerusunik inissaqartitsinissaq, nerisassallu akikinnerunissaat Inuit Tapiriit Kanatamip piumasariuarsimavaa, naggueqatigiit Inuit nukittorsarneqarnissaat taamaaliornikkut anguneqarsinnaassammat.

Canadap ministeriunera Stephen Harper ataasinngorpat Iqalunnukassaaq, qanorlu iliuuseqarniarnersoq Iqalunni innuttaasut pissanngatigeqaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat