Meeqqat ombudsmandeqalernissaat PIP-mit sulissutigineqalerpoq
Nunatsinni meeqqat ombudsmandeqalernissaat PIP-milu ilaasortat akissaatitigut pitsaanerusumik atugaqalernissaat anguniarlugit Perorsaasut Ilinniarsimasut Peqatigiiffiat PIP suliniuteqalerpoq.
Allattoq Louise M. Kleemann
novembarip 24-at 2008 08:40
PIP Kangerlussuarmi sapaatip-akunnerata naanerani ataatsimeersuarnerani samminsat ilagaat innarluutillit ullumikkornit annerusumik pisortanit aamma sullinneqartariaqarnerat.
Aamma nunatsinni kattuffinnik allanik kattunnikkut suleqateqarlernissaq PIP-mit anguniarneqarpoq, soorlu Meeqqat atuarfiini ilinniartitsisut kattuffiannik IMAK-imik, Peqqissaasut Kattuffiannik PK-mik aamma inunnik isumaginninnermi siunnersortit peqatigiiffiinik kattussinikkut.
PIP-p ataatsimeersuarneranni aamma pernaammik nersornaasiisoqarpoq, PIP-mi siulittaasup tullerisimasaa Sten Pedersen nersornaaserneqarluni.
Kaaliina Skifte siulittaasutut ingerlaqqippoq.
