Meeqqat nuutsitaasut pillugu piviusulersaarusiaq TV-mi unnugu

KNR TV-ip piviusulersaarut Utoqqatserfigineqarnissap utaqqinerani unnugu nal. 19.55 aallakaatissavaa.
septembarip 09-at 2010 05:34

Carla Lucia Knakkergaard aamma Kristine Heinesen Eksperimentetimut atatillugu meeqqat Danmarkiliartinneqartut 22-t akornanniipput.

Carla Lucia misiliutip ingerlanneqarnerata kingorna qallunaanit aappariinnit meeravissiartaarineqarpoq. Kristine kingorna Nuummut utertinneqarpoq, tassanilu Røde Kors Børnehjemmemi najugaqarluni.

Arnat taakku marluk Danmarkimi ullumikkut najugaqarput, piviusulersaarummilu 50-ikkunni pinngitsaaliissummik nuutsitaanerup inuunerminnut qanoq sunniuteqarsimanera oqaluttuaraat.

Utoqqatserfigineqarnissap utaqqinerani tusagassiortunngornianit Arnaq Nielsenimit aamma Eva Maria Koskinenimit 2009-mi aallakaatitassiarineqarlunilu aaqqissuunneqarpoq. Aallakaatitaq kalaallisuujuvoq.