Meeqqat nunani allanit tamanit atornerluinerupput

Kalaallit meerartaat nunanut allanut naleqqiullutik pujortarnerujussuusut, Kulturimut Ilinniartitaanermut Ilisimatusarnermullu Pisortaqarfiup meeqqat peqqissusaannik misissuisitsinerani paasinarsivoq.

Kalaaliaqqat 15-ileereersut affaat sinnerlugit ullut tamaasa pujortartarput, Tysklandimut naleqqiutissagaanni marloriaatingajammik amerlanerusullutik. Tyskit meerartaat nunarsuarmi pujortarnerpaat tulliattut inissisimapput. Pujortartartut amerlanerpaartaat niviarsiaraapput.

Taamaattorli meeqqat nunatsinneersut imigassamik atuinerat nunanut allanut naleqqiullugu pitsaaneruvoq. Kalaaliaqqat nunanut allanut naleqqiullutik imigassamik kingusinnerulaartumik misiliisarput, akuttunerusumillu imertarlutik. Imertaleraangamilli akulikitsumik aalakoortarput, tamatumanilu Danmark aamma Tuluit Nunaat normu 1-ioqatigalugit.

Aangajaarniutinik allanik, soorlu ikiaroornartunik sakkutuunik atornerluisunut Kalaallit Nunaat ilaanngilaq, nunatsinnulli ikiaroornartut eqqunneqartartut misiligarluarneqartarput. Meeqqat atuartut affangajaat hashi misilissimavaat, meeqqallu tallimaagaangata ataaseq naamaarnermik misiliisimasarluni. Naamaarnermik misiliisimasut aqqanilinnik aqqaneq-marlunnilluunnit ukioqarlutik naamaartalersarput.

Misissuinerup aamma takutippaa, meeqqat atuartut 12 %-iisa missaanniittut atornerluisut pissuserisartagaannik peqartut aanngajaarniutit assigiinngitsut arlallit akulikitsumik atorneqarnerat eqqarsaatigalugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat