Meeqqat najugaqarfiat nersorniarneqarpoq
Meeqqanut ikiortarialinnut najugaqarfik, Ilasiaq, pitsaalluinnartumik suliaqarpoq. Danmarkimi Atugarissaarneq pillugu Ilisimatusarfiup SFI-p najugaqarfimmik misissuinera taamatut inerneqarpoq.
Danmarkimi perorsaasunut atuagassiaq Socialpædagogen taama allappoq.
Allattoq Simon Uldum
juulip 05-at 2013 09:04
- Ilasiaq sullissiviuvoq ingerlalluartoq piffissamullu naleqquttoq. Kalaallit Nunaanni meeqqat meeqqanillu isumassuineq pillugu ukiuni kingullerni oqallisigineqarsimasut toqqammavigalugit ingerlanneqarpoq. Ilasiami sulisut amerlanersaat meeqqanik katsorsartarialinnik sullissinissamut ilinniarsimasuunngillat, taamaattoq suliassatik qanoq isumagissanerlugit ilikkarsimavaat, SFI-p nalunaarusiaani inerniliinerit ilaat taama oqaasertaqarpoq.
