Grønlandske politikere skal fokusere mere på børns vilkår, mener generalsekretær i Unicef Danmark, Steen M. Andersen.Assi: KNR // Anton Gundersen Lihn

Unicef: Meeqqat naalakkersuinikkut eqqumaffigineqannginnerat kukkuneruvoq

Naalagaaffiit Peqatigiit Meeqqat Pillugit isumaqatigiissutaanni 54-usuni 20-it Kalaallit Nunaata eqqortinngimmagit ilungersunartorujussuusoq, UNICEF-p Danmarkimi pisortaaneraa Steen M. Andersen oqarpoq, naalakkersuinikkut eqqumaffigineqannginnerat kukkusuusoq, taanna isumaqarpoq.

- Nunarsuarmi tamarmi nuna ataaserluunniit naalagaaffiit peqatigiit meeqqat pillugit isumaqatigiissutaannik tamakkiisumik eqquutitsinngilaq, Kalaallit Nunaanili inissisimaneq nunanut allanut sanilliullugu ajorneroqaaq, Steen M. Andersen Danmarkimi Unicefimi pisortaaneq oqarpoq- Nunarsuarmi tamarmi nuna ataaserluunniit naalagaaffiit peqatigiit meeqqat pillugit isumaqatigiissutaannik tamakkiisumik eqquutitsinngilaq, Kalaallit Nunaanili inissisimaneq nunanut allanut sanilliullugu ajorneroqaaq, Steen M. Andersen Danmarkimi Unicefimi pisortaaneq oqarpoq.

AAMMA ATUARUK Nakuusa Unicef Danmarkilu meeqqat iliuseqarfiginialerpai

Taassuma Kalaallit Nunaani kinguaassiuutigut atornerluisoqartarnera ajornartorsiutaasorujussuusoq tikkuarpaa, misissuinerullu takutikkaa meeqqat pingasuugaangata ataaseq kinguaassiuutimigut atornerlunneqartartoq.

Kalaallit Nunaannilu ukiuni makkunani politikkikkut sulinermi meeqqanut atugassarititaasut tunulliunneqarmata, Steen M. Andersenip uggornartuutippaa.

 - Kalaallit meerartaannut iliuuseqarnissamik ukkatarinnittoqartorujussuunikuuvoq. Maanna aaqqiiviginiagassat amerlapput soorlu mittarfeqarfiit, aalisarneq namminersulernissarlu, taakku Unicefimiit isumaqarfiginngilagut, kisianni isummerfigisinnaasarput tassaavoq kalaallit meerartaasa  tamakkiisumik ukkatarineqanngippata alianartuunera. Ukkatarineqarnissaat pisariaqartinneqaraluaqaaq atugarisaammi naammaginanngillat, taanna oqarpoq. 

AAMMA ATUARUK Unicef: Meeqqat pisinnaatitaaffii inatsisiliuunneqarlik

Meeqqat ukkatarineqarput

Tamannali eqqunngitsoq Isumaginninnermut Naalakkersuisoq Martha Abelsen oqarpoq,  politikikkummi sulinermi meeqqat ukkatarineqarluartut taanna oqarpoq.

- Isumaqarpunga meeqqat inuussuttuaqqat ilaqutariillu atugarisaat, suli qitiusorujussuusut, naak inuiaqatigiinni ineriartornitsinni mittarfiit  allallu sanaartugassat initoorujussuugaluartut, kisianni aallaavittut isumaqarpunga ilaqutariittut atugarisaat suli qitiusorujussuusut, Martha Abelsen oqarpoq.

Meeqqat inuusuttullu sumiginnagaasut ikilisarniarlugit nuna tamakkerlugu iliuusissatut pilersaarummik Naalakkersuisut suliaqarnissaat, Inuit Ataqatigiinnit siunnersuutigineqartoq Inatsisartuni pingasunngornermi aappassaaneerneqarmat, amerlanerussuteqarluartut akuersissutigaat.

.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat