Meeqqat Mælkebøttenermiut tunissutisisut
Grønlandsbankimi ippassaq eqqumiitsulianik kaattaassineq iluatsilluarpoq. Aningaasanillu tigugisuussapput meeqqat inuusuttullu illuat Inneruulat.
Allattoq Nauja Møller
Grønlandsbankimi ippassaq kaattaassineq iluatsilluarpoq. Meeqqat Inneruularmiut aningaasanik 34.000 koruuninik sapaatip akunnerata qiteqqunnerani tunissutisipput. Meeqqat ornittagaat ”Inneruulat” aamma Grønlandsbanki, bankip qalipagaataanik ippassaq kaattaassipput, iluatsilluartumik. Qalipakkanik kaattaassinermit aningaasat isertinneqartut tamavimmik 34.000 koruuninik annertussusillit Inneruulami meeqqanut sullissinermut ingerlateqqinneqassapput.