Meeqqat kigutaasa narlorsartinneqarneri nammineq akilerneqartalissasut

Siunissami angajoqqaat meeqqamik kigutaasa narlorsartinneri namminneq akilertalissavaat. Kommunit kigutileriffiini naammattunik kigutit nakorsaqanngimmat akeqanngitsumik kigutinik narlorsaasoqarsinnaanngilaq.

Kommunit kigutileriffiini akeqanngitsumik meeqqat kigutaat narlorsarneqarsinnaajunnaarput. Peqqissutsimut Pitsaaliuinermullu Aqutsisoqarfimmi Peqqissutsimut Pisortaqarfimmit tamanna aalajangerneqarpoq. Sermitsiaq.AG taama allappoq.

Kalaallit Nunaanni kigutit nakorsaat, kigutit nakorsaat immikkut ilisimasallit aamma kigutinut peqqissutsikkut sulisut ataatsimut isigalugu annertuumik amigaatigineqarnerat peqqutaavoq.

AAMMA ATUARUK Isumaqarpunga politikkikkut akuliuffigiuminaatsoq

Amigaateqarneq taanna peqqutigalugu Peqqissutsimut Pisortaqarfiup kommunini kigutinik narlorsaasarneq akileraarutitigut akilerneqartartoq unitsippaa. Meeqqat kigutimik narlorsaanneqartarnissaat illersorneqarsinnaajunnaartoq nalilerneqarpoq.

- Kalaallit Nunaanni taamaaliornissamut pisortatigoortumik kigutilerinermi periarfissaqanngilagut, Peqqissutsimut Pisortaqarfik Sermitsiaq.AG.-mut paasissutissiivoq.

AAMMA ATUARUK Ittoqqortoormiit qaammatini arlalinni nakorsaqannginnissaa ernumanartinneqartoq

Meeqqat kigutaat narlorsarneqassappata taarsiullugu ilaqutariit kigutit nakorsaannut namminersortunukartariaqarput annertuunillu akiliillutik. Aningaasartuut 15.000 koruuniniit aallartissinnaasoq, Niels Nygaard Aps-imi kigutit nakorsaat Karen Haarbo-Nygaard paasissutissiivoq.

Kigutit equngasut inuunermi siusissumik iluarsineqanngippata inuunerup ingerlanerani kingusinnerusukkut kigutit inissimanerisa tamuasinnaanerullu tungaasigut annertuumik ajornartorsiortoqalersinnaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat