Meeqqat kaattut Nuup Kommuniata arajutsivai

Nuummi meeqqat neriniartarfinni akeqanngitsumik neriniaaluttarnerat oqquiffissarsiortarnerallu Nuup kommuneata Inunnik isumaginnittoqarfianiit arajutsineqarpoq. Nuummi borgmesteri Nikokaj Heinrich oqarpoq tamanna sillimaffigineqassasoq.

- Kommuneminngaanniit piumasaqaatigissavarput naammattoorsisoqassagaluarpat tamanna kommunep inunnik isumaginnittoqarfianut piaartumik ilisimatitsisoqaqqullugu. Unnukkuussagaluarpat unnukkut pigaartunut kalerriisoqartarnissaa aamma kissaatigissavarput, Nikolaj Heinrich oqarpoq.

Taanna aamma oqarpoq ajornartorsiutit assigiinngitsut sillimaffiginiarlugit kommuni iliuuseqarniartuartartuusoq, uppernarsaatilimmillu tusagaqarunik soorunami kommunip iliuusissaminik aallartitsissasoq.

Neriniartarfiutilik Esmeraldamik piginnittoq meeqqanik taama ittunik isertoqaannartarmat ornittakkamik nammineerluni pilersitsisariaqalerpoq, Nuup kommuniata iliuusai naammassimannginneramik?

- Naammassimanngimmata taama pisoqarpoq. Atuarfinni meeqqat nerisaqarsinnaanissaat kommunimiit pilersikkiartuaarneqarpoq, ajoraluartumilli Atuarfik Ukaliusaq kinguaattoorfiuvoq, akeqanngitsumik meeqqanut neriffiusinnaanera piareersarneqarpoq naatsorsuutigaarpullu qaammammi tullermi aallartissinnaassasoq. Atuarfiit assigiinngitsut meeqqanut akeqanngitsumik neriffiusinnaanerat ukiuni aggersuni pilersikkiartuaarneqarpoq, ilaginnaannarneqarsinnaanngilaq arlaatigut aaqqissutissanik kommuni iliuuseqartariaqassaaq tamakkua piartuinnassanngippata, borgmester oqarpoq.

Oqarputit iliuuseqartariaqassallusi, qanoq iliuuseqassavisi taava?

- Maannakkorpiaq taanna oqaatigisinnaanngikkallarpara pisoq ima nutaajutigimmat kommunimi inunnik isumaginnittoqarfiit arlaat aqqutigalugu soorunami iliuuseqarfigineqassaaq. Ajornartorsiut alaatsinaaqqissaarneqassaaq inunnik isumaginnittoqarfimminngaanniit taavalu periarfissat suussanersut piffissami aggersumi erseriartuaassapput,

taama oqarpoq Nuummi borgmesteri Nikolaj Heinrich.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat