Juullip inua aalisagaasivimmut aqqarluni meeqqat nunarsuup kianneruleriartornera silallu ilungersunarnera pillugit juullikkut nalaanni ilinniartissavai.Assi: Carsten Rehder/AFP/Ritzau Scanpix

Meeqqat juullip inuanit silap pissusia pillugu ilinniartinneqartut

Juullip inua nalinginnaasumik imaaniinnani apummiillunilu sermimiittarpoq. Frankrigimili juullip inua aqqartartutut atisalerluni imaanut pissippoq.

Franskigimi illoqarfiit pingaarnersaanni Parisimi aqqartartoq aappaluttunik qaqortunillu atisalerluni aalisagaasivimmi kiattup aalisagaasa akornanni naluppoq.

Juullip inua aalisagaasivimmut aqqarluni meeqqat nunarsuup kianneruleriartornera silallu ilungersunarnera pillugit juullikkut nalaanni ilinniartissavai.

Nutaarsiassaqartitsivik Reuters taama allaaserisaqarpoq.

AAMMA ATUARUK Ilisimatuut COP25-ip aallartinnginnerani silap pissusia nikallunganartutut isigigaat

Aqqartartoq, Alexandre Dalloni inuuniutigalugu aqqartartuullunilu uumassusilerisuuvoq. Taassuma meeqqat silap pissusiata allanngoriartornera, uumasut assigiinngisitaartut ikiliartornerannik kinguneqartoq pillugu paasinnissinnaanerulissasut neriuutigaa.

- Nunarsuaq meeqqat aamma kingornutassaraat, taamaammat uagut inuusuttorpassuit meeqqanut ilinniartitsisariaqarpugut, Dalloni Reutersimut oqarpoq.

Pilersaarut naapertorlugu juullip inua aalisagaaraasivimmi januaarup ulluisa tallimaata tungaanut najugaqassaaq.

Assi: Gonzalo Fuentes/Reuters/Ritzau Scanpix

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat