Meeqqat ittoorunnaarnissamut pikkorissarneqarput
Meeraalluni inussuttuaraallunilu ittoortuugaanni qanoq ililluni ittoorunnaartoqarsinnaava? Aamma qanoq ililluni ittoorani sassartoqarsinnaava? Apeqqutit taakku meeqqanut inuusuttuaqqanullu pingaarutillit pillugit Nuummi inuusuttut siuarsartut nunanilu tamalaani meeqqat aasarsiortinneqartarnerannik aaqqissuussisartut, Nuummi meeqqanut inuusuttuaqqanullu aqqaneq marluk 16-inillu akornanni ukiulinnut 17-inut pikkorissartitseqqammerput.
Pikkorissaanermi saqqummiisoqartarpoq, soorlu tarnit pissusaanik ilisimasalik Inuk Bourup Nielsen, ittoortarneq pillugu oqalugiartinneqarpoq, isiginnaartitsisartorlu Makka Kleist, nipip timillu qanoq atorluarneqarsinnaaneranik, imminullu ajorinerup qanoq ililluni katanneqarsinnaaneranik aamma saqqummiisinneqarluni.
Pikkorissarnermi sungiusarneq pinnguarnerlu aamma sammineqarput.
Meeqqat inuusuttuaqqallu ittoortarneq pillugu pikkorissarneqarnertik naggaserlugu namminneerlutik saqqummiissinneqarput, pikkorissarnertillumi iluaqutaasimanerarpaat.
Nuummi meeqqat inuusuttuaqqallu ittorrtarneq pillugu pikkorissartinneqarnerat Inuuneq Nakuunermit Lions Clubimillu aningaasaliiffigineqarsimavoq.
