Meeqqat inuusuttullu peqqissusaat WHO-mit nalunaarusiarineqarpoq

Kalaallit meerartaasa inuusuttortaasalu peqqissusaat pillugu nalunaarusiaq, nunani 41-ni pissutsinut sanilliussisoq, nunarsuarmi peqqinnissaq pillugu Naalagaaffiit Peqatigiit suliniaqatigiiffiannit, WHO-mit, ullumi saqqummiunneqassaaq.
Allattoq Louise M. Kleemann
juunip 17-at 2008 08:25

Nalunaarusiaq ”Inequalities in young people’s health”-imik ”Inuusuttut peqqissusaasa assigiinngissusaat”-nik taaguuserneqarpoq, tassanilu kalaallit meeqqat atuartut peqqissusaat nunat allani 41-ni pissutsinut assersuunneqarput.

Nalunaarusiami ilaatigut oqaatigineqarpoq kalaallit inuusuttut atuarnerminnik naammagisimaarinninnerpaasut, ikittuinnaallu atuarnertik ilungersunartutut isigigaat. Aamma kalaallit meerartaat atuartunut allanut sanilliullugit timiminnik atuinerusartut.

Ajortortaat qiviaraanni misissuinerup ersersippaa, 13-iniit 15-inut ukiullit pualavallaartut, naatitartorpiarneq ajorlutik sodavanditortorujussuusullu.

Nalunaarusiap imaraa kalaaliaqqat peqqissusaannut pilluarnerannullu paasissutissat.

Inernerilu tusagassiortunik katersortitsinermi ullaap tungaani saqqummiunneqassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq