Meeqqat Inuusuttullu isumaginninnikkut sullinneqarnerat nukittorsarneqassaaq

Meqqat inuusuttullu isumaginninnikkut sullinneqarnerat nukittorsarniarlugu, danskit Atugarissaarnermut ministeriat, Karen Jespersen, Kalaallit Nunaannilu ilaqutariinnermut naalakkersuisoq, Arkalo Abelsen, isumaqatigiissuteqarput
Allattoq Jaaku Lyberth
februaarip 20-at 2008 12:44

Danskit kalaallillu isumaginninnikkut suleqatigiinnissamik 2006–mi isumaqatigiissuteqarmata, attaveqaqatigiinnissamik ataatsimiititaliammik pilersitsisoqarpoq,

kalaallit nunaani ilaqutariissutsimut pisortaqarfimmi taamatullu danskit velfærdministereqarfianit atorfilinnit inuttaqartinneqartumik. Attaveqaqatigiinnissamik ataatsimiititaliaq taanna meqqanik inuusutttunillu suliaqartunik ilaasortaqalissaaq, danskinit kalaallinillu inuttaqartinneqartussamik.

Ataatsimiititaliaq atorfilinnik ilaasortaqartinneqarnerata saniatigut ulluinnarni meeqqanik inuusuttunillu sullissisunik ilalissallutigit isumaqatigiippugut, Arkalo Abelsen oqarpoq. Danmarkimi Kalaallit Nunaannilu meeqqanik inuusuttunillu sullissisartunik misilittagaqartunik ataatsimiititaliaq ilaasortaqalissaaq. Ataatsimiititaliaq pissutsinik malinaannerulluni sulilissaaq. Attaveqatigiinnissamik ataatsimiititaliaq kontaktudvalg ingerlalluarsimanngilaq, maannakkullu nukittorsarlugu ataatsimiittarnerilu akulikinnerulersinneqarnissaat isumaqatigiissutigineqarpoq. Danmarkimi inuusuttunik meeqqanillu sullissinermi, taamatullu kommunit kattussuunnissaat eqqarsaatigalgu Danmarkimi inuusuttunik meeqqanillu sullissinermi kukkussutaasimasut kukkussutigineqannginnissaat anguniarlugu ataatsimiititaliaq nukittorsarneqassaaq.

Attaveqaqatigiinnermut ataatsimiititaliami nunatsinnit ilaasortaavoq ilaqutariinnermut pisortaqarfimmi allaffimmi pisortaq, Martha Lund Olsen.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq