Meeqqat inuunertik assinngorlugu oqaluttuaraat

Paamiuni meeqqat 20-t assit atorlugit inuunerminnik oqaluttuarnerat Katuami saqqummersitsinermi takuteqarsinnaavoq.
maajip 18-at 2011 13:28

Saqqummersitsineq "Paamiut-Kids with camera" assiliisartumit Jørgen Chemnitzimit piviusunngortinneqarpoq.

- Kids With Camera nunarsuaq tamakkerlugu aaqqissuussinermut ilaavoq piumassutsiminnillu sulialinnit ingerlanneqartarluni. Meeqqat assit atorlugit inuunitik oqaluttuarisarpaat. Tamatumalu aaqqissuussap anguniagaraa meeqqat inuunerissaarnerulernissaat, Katuap nalunaarutaani ilaatigut taama allaqqavoq.

Saqqummersitsineq Paamiuni takutinneqareerpoq, Katuamilu maajipi 19-ianiit -3-ata tungaanut saqqummersinneqassalluni.