Meeqqat Inuunerissut: Partiit tamaasa suleqatigisinnaavagut
- Siumup suleqatissamisut naleqquttutut isigimmatigut nuannaarutigaarput. Taamaattorli erseqqissartariaqarparput, Meeqqat Inuunerissut peqatigiiffiummat naalakkersuinermut attuumassuteqanngitsoq, partiillu meeqqat atugaannik pitsanngorsaarusuttut tamaasa suleqatigerusukkatsigik. Illuatungaatigullu meeqqat atugaannik pingaartitsinngitsut kajumissaartuarniarpavut, peqatigiiffiup siulittaasua Line Frederiksen oqarpoq.
Taanna isumaqarpoq, partiit peqatigiiffinnik meeqqanik inuusuttunillu nammineq kajumissutsiminnik sullissisunik suleqatiginninnerusariaqartut. Tassami Meeqqat Inuunerissunit suleqatigineqarput Red Barnet, Nanubørn aamma ICC-p inuusuttunut suleqatigiiffia ICYC.
- Peqatigiiffinnik nammineq kajumissutsiminnik suliniartunik suleqateqarnikkut, Siumumit ujartorneqartutut angajoqqaat amerlanerusut akisussaaffimminnik isumaginnissinnaalissapput, Line Frederiksen oqarpoq.
