Meeqqat inersimasunik saaffissaqartanngillat

Meeqqat MIO-mut ikiorneqarumallutik allattarnerat, ajornartorsioraangamik inersimasunik saaffissaqartannginerannik peqquteqartoq, MIO ukiumoortumik nalunaarusiaani atuarneqarsinnaavoq

Allattoq Paarnaq Hansen

septembarip 03-at 2015 11:56

Meeqqat 1001-it ajornartosiutiminnik ikiorneqarumallutik MIO-mut saaffiginnissimapput. Meeqqat 13-niugaangata ataaseq ajornartorsiutiminik saaffissaaleqineq peqqutaalluni ikiorneqarumalluni MIO SMS-kkut siunnersortittarfiannut saaffiginnissimavoq.

- Takutippaa meerarpassuaqartoq nunatsinni kiserliorlutik inuusut, inersimasunut saaffissaaleqisut. Taamaalillutik aamma arlaatigut aporfeqaraangamik imaluunniit ajornartorsiuteqaraangamik taakku ajornartorsiutitik nammineerlutik qanoq qaangersinnaaneranik siunnersortissaaleqisut, MIO-mi siunnersorti Nauja Bejaminsen taama oqarpoq.

Kalaallit Nunaanni meeqqat ullumikkut 13.500-juusut Kalaallit Nunaanni Naatsorsueqqissaartarfimmi atuarneqarsinnaavoq.
MIO meeqqat kinguaasiutitigut atornerlunneqarneq aamma imminut toqussinnaasutut pissusilersorneq pissutigalugu kommuninut politiinullu arlaleriarluni nalunaaruteqarpoq.

Aamma atuaruk Meeqqat 1001-it ikiortikkumasut

Meeqqallu inunnerminni ajornartorsiortut kalaallit nunaani amerlasuut ikiorneqarumallutik MIO-mut saaffiginnittarput.

-Meeqqat arlaatigut inuunerminni ajornartorsiutillit, MIO-mi siunnersorto Nauja Benjaminsen taama oqarpoq.

MIO-meersut meeqqanit ajornartorsiortunik ikiuillutik SMS-kkut 2013-mili siunnersuisalerpoq. SMS-kkut siunnersuisarnerup siunertaraa, meeqqat inuusuttullu atortorissaarutit toqqissisimanartitarujussui atorlugit siunnersornissaat.