Meeqqat ilanngullutik Paamiuni saliissapput
Meeqqat mikinerinit maangaannaq eqqaannginnissamik ilinniartinnissaat pingaaruteqarpoq. Taamaattumik meeqqat meeqqerivinnit sisamaneersut atuartullu minnerit, aaqqaserlutik illoqarfimmi sapaatip-akunnerani kingullermi saleeqataatinneqarput.
Taamaattorli silami saliinissaq kisimi pisariaqarneq ajorpoq. Kommuneqarfik Sermersuumi kommuni tamakkerlugu sulisut allaffimminni tallimanngormat saliisinneqarput.
Kommunimi allaffeqarfinni saliinermi suut nassaarineqarsimanersut kommunip nittartagaani oqaatigineqanngilaq.
Nuummi Rådhusimi 90-ikkut aallartilaarneranni toqqorsivimmi saliisoqarnerani aningaasarpassuit toqqortarineqartut nassaarineqarput.
Taamanikkut 300.000 koruunit missaat kiilerimi toqqorsivimmi toqqortarineqartut nassaarineqarput. Aningaasat suminngaanneernersut paasineqanngisaannarpoq. Kisianni kinguneqarluartumik saliinertut taaneqarsinnaavoq.
