Meeqqat ikuallatsitsisarput

Juullip qaammataani illoqarfinni qatserisarfiit ulapputtaqaat, Nuummilu ikuallatsitsinernut amerlanernut meeqqat pisooqataasartut, Nuummi politiini pisortat tullersortaa Johan Davidsen oqarpoq.

- Maannakkut juullip qaammataata ingerlanerani nalliuttullu qanilliartornerani naliginnaaleriartortarpoq, ikuallattoortarnerit, tassami naneruutit innerillu atugaanerulertarput. Aamma ukiutoqqami ukiortaamilu qummoroortartut atugaanerulernerani ikuallattut pilersinneqaqqajaanerulersarput, Johan Davidsen oqarpoq nangillunilu: - Meeqqat akornanni inersimasumik nakkutigineqanngitsumik seersartut atugaanerisa kingunerisaanik maannakkumut marloriarluta eqqaavinni ikuallattumut orniguttareerpugut, qujanartumillu ikuallannerit annikitsuinnaasarsimapput. Ikuallanneq sakkortuneruppat inuit inuunerannik naleqarsinnaavoq, taamaattumik angajoqqaat qinnuigissavagut meeqqat seersartunik assigisaanillu pinnguassatillugit nakkutigisaqqullugit. Qaammammi uani naliginnaasarpoq qaammarsaaniartarnerput, tassanilu lokalraatiut TV-llu atorluartarpagut.

Taama oqarpoq, Nuummi politiit pisortaata tullersortaa, Johan Davidsen.