Meeqqat borgmesterimik oqaloqateqarsinnaalerput
Kommuneqarfik Sermersuumi meeqqat atuartut inuusuttullu ilinniagallit tusaaniarneqalernissaat qulakkeerniarlugu kvartalikkaartumik borgmesterimik oqaloqatiginnissinnaalernissaat meeqqat ulluannut atatillugu atuutilersinneqarpoq.
Taamaalilluni Kommuneqarfik Sermersuumi najugaqarfinni 13-iusuni meeqqat atuartut inuusuttullu ilinniartut kvartalikkaartumik pingasunngornerit siullersaanni 34 70 03-mut sianerlutik borgmesterimik oqaloqateqarsinnaalissapput.
Oqaloqateqarsinnaaneq siulleq pissaaq pingasunngornermi septembarip 8-ni 2010 nal. 14.00-16.00.
- Meeqqat inuusuttullu kommunalbestyrelsip suliniuteqarfigilluagaasa ilagaat. Meeqqat inuusuttullu namminneq oqariartuuteqarsinnaalersinnerisigut inuiaqatigiinni akuulluinnarnissaannik oqaasissaqaqataanissaannillu periarfissippavut, borgmester Asii Chemnitz Narup oqarpoq.