Meeqqat atugarissaarnerulernissaat atsioqatigiissutigissavaat

Kalaallit meerartaasa atugaat assuarineqareersullu Naalakkersuisut UNICEF Danmark allakkatigut isumaqatigiissuteqarfigaat.
Allattoq Apollo Jeremiassen
aggustip 10-at 2010 08:53

Meeqqat peroriartorneranni atugarisaat aammalu Naalagaaffiit Isumaqatigiissutaat naapertorlugu meeqqat ineriartornissaminnut pitsaasumik periarfissinneqarsinnaanissaat siunertaralugu isumaqatigiissusiortoqarpoq, tusagassiutinut nalunaarummi tamanna erserpoq.

Kalaallit meerartaasa atugarisaat pillugit UNICEF sakkortuumik siorna isornartorsiuivoq. Tamanna pivoq, paasiniaanerit takutimmassuk meeqqat amerlavallaat nerisassanik naammattunik nerineq ajortut isornartorsiuisoqarpoq.

Kalaallit Nunaanni meeqqat pisinnaatitaaffii eqqortinneqanngitsut pillugit, UNICEF-ip Danmarkimi generalsekretæriata, Steen Andersen-ip Kalaallit Nunaat siorna isornartorsiorpaa.

NICEF-ip aallartitai 2009-mi ukiakkut Kalaallit Nunaanniipput, tamatumalu kingorna suleqatigiinneq aallartisarneqarluni. Tassalu maanna isumaqatigiissusiortoqarluni atsioqatigiittoqassaaq, tamannalu Hans Egedep illuani sisamanngornermi aggustip 19-anni pissaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq