Meeqqat atugaasa ajunnginnerulernissaannut Danskit naalakkersuisui akisussaaqataapput
Kalaallit Nunaanni meeqqat isumaginninnikkut atugaasa ajunnginnerulernissaannut Danmark paasisimasaminik Namminersornerullutik Oqartussanut neqerooruteqarnerusariaqarpoq.
Allattoq Jaaku Lyberth
Kalaallit Nunaanni meeqqat atugaat pillugit folketingimi tallimanngormat oqallittoqarmat tamanna aalajanngiunneqarpoq.
Meeqqat atugaasa ajunnginnerulernissaannut Danmarkimi naalakkersuisut akisussaaqataanerat naqissuserneqarpoq. Kalaallit Nunaannut ataatsimut tapiissutit iluanni immikkut meeqqanut atorneqartussatut konservativit siunnersuutaat itigartitsissutigineqarpoq.
Danskit isumaginninnermut ministerertaavat Karen Ellemann aggutsip qaammataani kalaallit nunaannut tikeraassaaq pissutsillu misissorniartorlugit aviisi Kristeligt Dagblad taamatut allaaserisaqarpoq.