Meeqqat atuarnermut pikkorinnerulertinneqasaapput

Meeqqat atuarnemut pikkorinnerulertariaqarput. Tamanna Danmarkimi nunatsinnilu piffissami kingullermi sammineqartorujussuuvoq; kisiannili meeqqat marluniit tallimanik ukiullit siunissaminni qanoq atuffarissunngortinneqarnissaannut piareersarneqartarpat. Tallimanngormat Inerisaaviup pisortaa Jens Jakobsen oqarpoq nunatsinni meeqqat atuarsinnaanerisa pitsanngorsarsinnaanerinut suliniutit ingerlanneqartut.

Qanorliuna meeqqat oqaatsitigut piginnaasaat ineriartortinneqarsinnaasut.

Meeqqat oqaatsisigut piginnaasamikkut inerartornertinneqarnissaannut suliniummi piareersaanermut peqataasoq Nuuk Kommuneani meeqqanik oqallorissaasoq Makki Poulsen meeqqat atuffarissunngortitinniarlugit piareersaanermut peqataasoq nassuiaatipparput.

Meeqqerivinni perorsaasut meeqqap ineriartornera ukiup affaa malinnaaffigereerlugu maluginiakkatik tunngavigalugit meeqqap piffissami tassani siuariaatai immersugassamut nalunaarsortassavaat, Makki Poulsen nassiuaavoq.

Taamaaliortoqannginnnerani meeqqerisut ulloq ataaseq immersugassanut tunngasunik paasiuminarsaatinik pikkorissartinneqartassapput.

Siorna immersusugassaq nunatsinni ilisaritinneqarpoq ukioq mannalu qanoq atorneqarnissannik meeqqerivinni perorsaasut 213 it kiisalu minnerni ilinniartitsisut minnernilu ilinniartitsisut 211 –t pikkorissartinneqarsimallutik.

-Immersugassat meeqqerisut meeqqat paaqqinnittarfinniittut ineriartorneri malinnaaffigiitigalugit sakkussatut atugassarimmatigik neriuutigaara, pingaartumik Nuummi, meeqqerivinni tamani, ukiut arlalialunnguit qaangiutsinnagit immersortagassat piareereersimassasut, Makki Poulsen oqarpoq.

Meeqqerivimmi sulisut immersugassat malillugit immersuinerisigut ersissaaq meeraq oqaatsimigut qanoq ineriartortiginersoq. Paasiniarneqassaaq oqaatsinik oqaatiginnissinnaanera meeqqallu avatangiisiminik atassuteqarsinnaanera.

-Meeqqap sutigut ajornartorsiuteqarneranik paasinninnikkut aaqqiniartoqarnissaa anguniarneqassaaq. Tamanna meeqqap atuarnermik sungiusaqatigilluartaneratigut aammalu erinarsuutinik pinnguaatitalinnik sammisaqartittuarnerisigut meeqqap aalajangersimasumik samminnissinnaassusia kiisalu ilikkarniarneranut iluaqutaasusaassasut Makki Poulsen nassuiaavoq.

Inerisaavik sinerissami siunnersortinik arfinilinnik atorfeqartititsisoq paaqqinnittarfinni atuarfinnilu pikkorissartitsisimavoq. Meeqqat piginnaasamikkut ineriartornissamikkut ineriartornissaannut malittarisassaq allakkiaralugu sinerissamut nassiussuunneqassamaarpoq. Taama Jens Jakobsen inerisaavimmi pisortaq oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat