Meeqqat atuarfiini misilitsinnerni inernerit
Inerisaaviup Internettikkut nittartagaa iserfigalugu, meeqqat atuarfiini inaarutaasumik misilitsinnermi inernerit takuneqarsinnaasut malillugit, qallunaatut misilitsinnerni, Qanaanaami agguaqatigiissillugu 3,87- iusimasoq Paamiuni misilitsinnerni agguaqatigiissillugu 5,77-iusimavoq.
Illoqarfinni taakkunani, kalaallisut misilitsinnerni, Qaanaami 6,69-siusimavoq, 6-imik nalilerneqartut amerlanerullutik, Paamiunilu 7,52-iulluni, taakkunannga 8-mik nalilerneqartut amerlanerullutik.
Taamatuttaaq illoqarfiit allat misissorneqarsinnaapput, soorlu Uummannami tuluttut misilitsinnermi, agguaqatigiissillugu 6,35-mik inerneqartoq, Sisimiuni agguaqatigiissitsinermi 5,76-iuvoq. Taakkunannga Uummannami Sisiumiunilu 6-imik 7-imillu nalilerneqartut amerlanerupput.
Nuna tamakkerlugu kisitsinermi agguaqatigiissillugu, 1474-it misilitsimmata agguaqatigiissitsineq 7,17-iusimavoq.
Nuna tamakkerlugu imaluunniit illoqarfikkaartumik, nittartagaq iserfigalugu taama misissuisoqarsinnaavoq.
Kisitsisit tamarmik 2004-mut tunngapput. Ukiut sisamat kingumut takuneqarsinnaallutik.