Meeqqat atuarfii sammineqarnerusariaqartut
Aatsitassarsiornermik siunissami ineriartortitsisoqarnissaanut inuiaqatigiinni ilinniagaqarsinnaanissaq unammilligassarpassuaqarpoq – soorlu matematikkimik, fysikkimik oqaatsillu ilinniassallugit avaqqunneqarsinnaanngilaq. Meeqqat atuarfiisa inissisimanerat taamaatsillugu siunissami aatsitassarsiulernermi kalaallit kisermaassillutik kivitsisinnaanngimata avataanit ikiorserneqaqqaartariaqarput.
- Meeqqat atuarfii pillugu annerusumik eqqaamasimannginnatsigit tamanna nassuerutigisariaqarpoq, atuarfiillu pillugit nutarterinissamut ukiup siuliini suliaqartoqaraluartoq tamannali nangeqqinneqarsimanngilaq, taamaattumik allaqqunneqarsinnaanngilaq piaartumik siuarsaarnissarput – inuusuttortattami pisinnaasaat kinguariartussanngippata, Kattusseqatigiit Partianneersoq, Anthon Frederiksen oqarpoq.
Suliniutinullu angisuunut tunngatillugu periarfissarpassualiigaluartoq, kalaallit suliffeqarfiutaasa aatsitassanut tunngatillugu pisinnaasunik kivitseqataasinnaanissaat killeqarpoq, taamaattumik meeqqat atuarfiisa siuasarnerisigut isumannaatsumillu toqqammavissiisoqartariaqarpoq.
- Meeqqat atuarfiini pitsanngorsaanissamut piumasaqaataassaaq, assersuutigalugu atuarfinni pisortat sammineqarnerusariaqarput – naallu unammilligassarpassuaqaraluartoq piaartumik aallartisartoqartariaqarpoq, Jens B. Frederiksen isumaqarpoq.
Unammilligassarpassuaqaraluartoq atuarfiit minnerusunut immikkut ikiorsiinissaq pisariaqartoq erseqqissaatigineqartoq, Atassummit Gerhardt Petersen isumaqarpoq.
-Naalakkersuisoqatigiit atuarfiit minnerusut puigorsimavaat, taamaattumik atuarfinni minnerni periarfissiinikkut aqqutissiuussinissaq pingaartinneqarpoq. Tamannalu aaqqiiviginissaanut alloriarfissanngorpoq, Gerhardt Petersen oqarpoq.
