QULAARPAA Meeqqat Atuarfiat atuarfitsialaanngilaq

Nunatsinni meeqqat atuarfiata ateqaatini 2014-imi aamma naammassinngitsoorpaa. Angusat suli pitsaanerusinnaapput, ingammillu qallunaatoornermi, tuluttoornermi matematikkimilu eqqartuussineq ersarippoq. Atuarfitsialak pitsaanngilaq.
Allattoq Jens Thorin
marsip 23-at 2015 15:05

Qallutaatut tuluttullu oqaasilerinermi angusat ataatsimut isigalugit pitsaanngillat, ingammik nukappiaqqat kinguussaaqqallutik. Tassalu nukappiaqqat 41 procentii tuluttut allattariarsornermi angusinngitsoorput.

Tuluttut oqaluttariarsornermi atuartut pingajorarterutaat angusinngillat, misilitsinnermilu nalileeqataasut censorit Inerisaaviup nalilersuinerani og oqaatigisaat tusaruminanngeqaat.

Atuartut ataasiakkaat misilinnermi kalaallisut tuluttulluunniit oqalussanerlutik nalornisigigaat, klassit quliganni ukioq kingulleq misilitsinnerit ilaat iluatsippallaanngitsut ilaat pillugit censorit allapput.

Aamma censorit qallunaatut oqaluttariarsorluni misilitsinnermi maluginiagaat pitsaanngeqaat.

Atuartut arlaqartut misilitsinnerminni qallunaatut ilaat oqarsinnaasimanngitsulluunniit ilaallu oqarusussimanngitsulluunniit, naliliinemi allapput.

Atuartut sisamararterutingajaat qallunaatut oqaluttariarsornermi angusinngitsoorput, sisamararterutaat qallunaatut allattariarsornermi angusinngitsoorlutik.

Kalaallisulli oqaluttariarsorneq nuannaajallaataavoq. Tamatumani atuartut 31 procentii misilitsinnermi A-mik B-milluunniit angusaqarput, taamannallu pitsaassuarmik ajunngivissumik angusaqartut karakterilerneqartarput. Kalaallisulli allattariarsornermi taama pitsaatiginngillat, amerlanerujartuinnartummi angusinngitsoortarput, 12 procentii maanna angusinngitsoorlutik. Aamma tassani ingammik nukappiaqqat agguaqatigiisitsinermik ammut noqitsisuupput.

Matematikkimi nuannaarutissaqarlunilu pitsaanerulersinniagassaqarpoq. ataatsimut isigalugu atuartut piginnaasaqarpianngitsut ikiliartorput, maanna pingajorarterutaannanngorsimallutik. Tamarmili siuariartorfiunngilaq.

Unammilligassat aallaavigalugit kisitsineq - qallunaatut problemregning - suli ajornartorsiorfioqisoq, naliliinermi allapput. Tassani karakteritigut takuneqarsinnaavoq, atuartut amerlanersaat naammaginaannartumiit naammaginangitsumut suli karaktereqartartut, tassa karakterinik D-miit Fx--imut.

Meeqqat Atuarfianik naliliineq, pingasunngorpat saqqummersinneqartussaq, Qulaarpaami sisamanngorpat sammineqassaaq.