Meeqqat atuarfiat aaqqissuulluagaanerusinnaavoq

Ilinniartitaaneq suliniutigineqartussani pingaarnertut atatsimiititaliamit erseqqissarneqarpoq.

Meeqqat atuarfiini atuartitsinermut atortussanik ilinniartitsunillu amigaateqarneq patsisitut atorneqarnerat taamaasilluni ataatsimiititaliamit illuatungilerneqarpoq.

Meeqqat atuarfiini ilinniartitsisutut ilinniarsimasut amerlassusaat Danmarkimut sanilliullugit allaanerunnginnerat ataatsimiititaliap taakkartorpaa.

Taamaattumik nukiit atortullu pigineqartut atorluarlugit angusaqarluartoqarsinnaasoq ataatsimiititaliap nalunaarusiamini allaaseraa.

Nunaqarfinni atuarfiit tamarmik illoqarfinni atuarfinnut atatinneqalerpata nunaqarfiit atuarfiini perorsaanermut aaqqissussinermullu tunngasut illoqarfiit atuarfiini aqutsisunit akisussaaffigineqalernissaat innersuussutigineqarpoq.

Ukiumi atuarfiusumi atuartup malinnaavigineqarneratigut quppersagaliortoqarnissaq ataatsimiititaliamit innersuussutigineqarpoq, taamaalillutik atuartut tamarmik ataavartumik malinnaavigineqassammata.