Meeqqat atuaqatigiinnissarsuat
Tallimanngornermi marsip 18-ianni atuakkiaq ”LæseRakettens læsehæfte”, nunatsinni Danmarkimi Savalimmiuni Sydslesvig-imilu atuartunit katillutik 111.029-init atuarneqassaaq, Danmarkimi aviisi Søndagsavisi allaaserinnippoq.
Ullormi tassani danskit atuakkiortut nutaanerit oqaluttualiaat atuarneqassapput.
”LæseRakette-mik ” atuaqatigiinnersuaq nunanik ineriartortitassanik ikiuniaqatigiiffiup Ibis-ip nunarsuarmi meeqqat tamat atuartinneqartalernissaannik suliniuteqarneranik tunuliaqutaqarpoq.
Ibis-ip siorna atuaqatigiissitsineranut, Danmarkip naalagaaffiani meeqqat atuartut 50.000-it peqaataapput, atuaqatigiittarnerlu ukiut tamaasa pisartussanngorlugu aaqqissuunniarneqarpoq.
Atuaqatigiinnersuarmut atatillugu aningaasanik katersuiniartoqassaaq, sullifeqarfiit ”Ilinniartitaanermut piginneqataassutsinik” tuniniaaffigineqassallutik. Aningaasat isertinneqartut Guatemala-mi indianerit niviarsiarartaannik atuartitsinerup siuarsarneqarnissaanut atorneqassapput.