Meeqqat assileeqqullugit kajumissaarpaat

Suliniummi tassani meeqqat qulit, qulingiluaniit 13-inut ukiullit assiliinermik pikkorissartinneqarput, taakkulu assilisamikkut inuunertik oqaluttuarissavaat. Sermersooq.gl-imi taama allaaserinnittoqarpoq.

Assiliisartoq Jørgen Chemnitz, suliniummut Paamiut Asasara-mut qinnuteqareernermi kingorna assiliinermik pikkorissartitsisuuvoq, taallugu "Kids with Camera", "meeqqat assiliivilisartut"-nik nutserneqarsinnaasoq.

Meeqqat pikkorissaqataasut pitsaasunik qanoq assiliisinnaanerannik Jørgen Chemnitzip aallaqqaammut oqaluttuuppai, meeqqat assilisatik qarasaasiami qanoq suliarisinnaanerlugit aamma ilinniarpaat.

Suliniummut atatillugu Jørgen Chemnitz arlaleriarluni Paamiuliartussaavoq.

Meeqqat assilisaminnik Paamiuni decembarimi saqqummersitsissapput, assilisaallu Nuummi kingusinnerusukkut saqqummersinneqassallutik.

Meeqqat assiliisaqattaarnerat, "Kids with Camera", suliniutaavoq nunani tamalaani ingerlanneqartoq, taamaattumik paamiormiuaqqat assilisaat Nunatta avataani aamma takutinneqariaannaapput. Suliniummi "Kids with Camera"-mi meeqqat nunani tamalaaneersut assilisaat ilaatigut atuaganngorlugit saqqummersinneqartareerput.