Meeqqat assammik arsarsuataarput

Assammik arsarnermi meeqqat unammersuartarnerat ullutsinni nunanut allanut unammisartut aqqusaagaasa siullersarisimavaat Børne Cup. Ilisimaneqarluartut Angutimmarik Kreutzmann aamma Aqqaluk Sørensen imminnut unammisarsimaqaat.

Unammersuartarnerlu taanna uteqqiattunngorluavissimavoq ukiormanna meeqqanit 200-nit Ilulissaniit, Aasianniit, Sisimiuniit, Maniitsumiit kiisalu Nuuk peqataaffigineqarmat. Peqataasut aatsaat taama amerlatigaat unamminerillu nuannersut ingerlanneqartarsimapput.

- Unammilligassarli ataaseq annertoorlu tassaasimavoq illoqarfitsinni dommerissaqarniarneq, taama Erik Jensen aaqqissuisut SAK-meersut sinnerlugit nalunaarpoq, tamannalu unammersuarnerit sioqqullugu peqataasussanut nalunaarutigisimavaattaaq.

Unammisut ukioqatigiit tassaapput lilleputit aamma puslinget. Klubbit pingasut illoqarfigisaminnut angerlarput ajugaasimasortalerlutik. Tassaapput Nagdlúnguak Ilulissaneersoq niviarsiaqqani puslingeni ajugaasoq. NÛK Nuummeersoq niviarsiaqqani lilleputini ajugaavoq. GSS Nuummeersoq nukappiaqqani lilleputini aamma nukappiaqqani puslingeni ajugaavoq.

Angusat tamakkiisut takusinnaavatit linki ataaniittoq toorlugu.