Meeqqat arfineq-marluk Afghanistanimi toqutaapput

Afghanistanip kangisissuani al Qaeda-kkut najugaqarfigigunagaanni sapaatip akunnerata naanerani qaartartumeerisoqarmat meeqqat arfineq-marluk toqutaasunut ilaapput.

Sakkutuut Nunat Killiit Illersoqatigiiffiannit, tassa NATO-mit, aqunneqartut oqaaseqartartuat aamma ilisimatitsivoq, al Qaedameersut arlallit aamma toqutaasunut ilaasimasut.

Oqaaseqartartoq taanna naapertorlugu uppernarsaasoqarsimavoq islamit pikitsitsisut provinsimi Paktiami naalaffimmut atuarfimmullu isaasimapput, taamaammallu saassussisoqarsimalluni.

Timmisartukkut arfininngormat unnukkut saassussisoqarpoq, oqaatigeriikkatsitullu meeqqat koraanip atuarfiani atuartut arfineq-marluk toqutaasunut ilaapput.

Afghaniamiuaqqat arfinilinnik-arfioneq-marlunnik ukioqaleraangamik koraanip atuarfiani atuarlertarput.

- Uani erserpoq, al Qaedakkut imminnut illersorniaraangamik naalaffik utoqqatsissutitut atortaraat, aamma sakkutuujunngitsunik toqoraasarput, sakkutuut illuatungiliuttut oqaaseqartartuat ilaatigut oqarpoq.