Meeqqat aningaasaliiffigineqarnerulerput

Kalaallit meerartaannut tapiisartut amerlipput. Qaammammut 50 koruuneertarumasut 300-nik ilapput, taamaasillunilu peqatigiiffik kalaallit meerartaat, aningaasassaqarnerulaalerpoq.

Inuit namminneq kajumissutsiminnik Peqatigiiffimmut Kalaallit Meerartaannut Københavnimi angerlarsimaffeqartumut tapiisarumallutik nalunaartut qaammat kingulleq 300-inik ilapput. Aviisimut ullormut saqqummersartumut Informationimut paasissutissamik girokortimillu majip aallaqqaataani ilanngussinerup tamanna kingunerigaa, Lars Roskam-Hemmingsenip peqatigiiffik kalaallit meerartaani atorfeqartoq oqarpoq.

- Inuit Kalaallit Nunaannut immikkut attuumassuteqanngitsut 300-t tapiisartussatut qaammatip kingulliup ingerlanerani nalunaarput, soorunamilu neriuppugut suli amerlanerusut tapiisartussatut piffissami aggersumi nalunaassasut, Lars Roskam-Hemmingsen immikkut aningaasanik isertitsiniaasartutut atorfilik taama oqarpoq.

Aamma nittartagaq atorlugu paasisitiniaanissaq peqatigiiffiup pilersaarutigaa.

- Politikenip nittartargaani paasititsiniummik aasareerpat saqqummiissaagut, neriuutigaarpullu Kalaallit Nunaannut attuumassuteqanngikkaluartut tassuuna paasissutissiivigisinnaassallutigit, Lars Roskam-Hemmingsen oqarpoq.

Nalinginnaasumik tapiissut qammammut 50 koruuniuvoq, peqatigiiffiullu siunertaraa, aningaasat kalaallit meerartaannut atugarliortunut iluaqutissatut atorneqassasut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat