Meeqqat angerlarsimaffiup avataanut inissinneqartartut naluaat
Tamatumunnga peqqutaavoq meeqqanik inissiisoqartillugu kommunit nalunaaruteqartannginnerat, naak pisussaatitaagaluarlutik.
Sapaatip akunnerata siuliata naanerani Aasianni angajoqqaat imigassartorpallaarnerisa kingorna angerlarsimaffiit avataannut meeqqat aqqanillit inissinneqarsimaneri sualuginarpoq. Kisitsisilli saqqummiunneqartartut tamatigut eqqortuuneq ajorput, angerlarsimaffiimmi avataannut meeqqanik inissiinerit tamakkiisumik kommunet nalunaarutigineq ajormatigik.
Assersuutigalugu Qaqortup kommuneani kisitsit 168-iusoq, Sisimiut, Aasiaat, Qaanaap, Kangaatsiallu kommunii meeqqanik angerlarsimaffiit avataannut inissiisimanernik nalunaaruteqarsimanngillat.
Kommunet nalunaartussaatitaanitik naammassisariaqaraat Ilaqutariinnermi, Peqqinnissaqarnermilu Naalakkersuisoqarfiiup pisortaata Martha Lund Olsenip kissaatigaa.
Meeqqat aqqanillit angerlarsimaffiit avataannut inissinneqarsimanerat pillugu Aasiaat Kommunianit oqaaseqartitsiniaraluaratta iluatsinngilarput.
