Meeqqat Angerlarsimaffiat Uummannaq ukiunik 90-nngortorsiorpoq
Meeeqqat Angerlarsimaffiat Uummnnaq ukiunik 90-innngortorsiorluni nalliutorsiutigineqarnera timersortarfimmi malunnartinneqassaaq.
Meeqqat kiinaanni kisitsit 90 allassimavoq
Allattoq Karsten Sommer
septembarip 29-at 2019 13:41
Nutserisoq Jaaku Lyberth
Kalaallit Nunaanni meeqqat angerlarsimaffiini pisoqaanersaq Meeqqat Angerlarsimaffiat Uummannaq ukiunik 90-inngortorsiortoq Uummannami timersortarfimmi nalliuttorsiutigineqarluni malunnartinneqarpoq.
Meeqqat angerlarsimaffianni najugaqartut Uummannami meeqqat peqatigalugit nipilersugassiarsuarnik tusarnaartitsissapput.
Ulloq malunnartillugu Meeqqat Angerlarsiaffiat Uummannaq pillugu filmeliaq takuteqqaarneqassaaq, Rockimik nipilersortunik tusarnaartitsisoqassaaq, kalaattoortoqassalluni aamma torlussortunik qilaatersortunillu tusarnaartitsisoqassalluni, Meeqqat Angerlarsimaffiat Uummannaq Facebookimi taama allappoq.
Ulloq naggaserneqassaaq nereqatigiinnermik naneruarfiusanillu qullartitsinermik.
